قصص ملوك الحب ملوك الحب الحلقة (5)

[رعدالغامدي]

الحلقة (5) ????????

.قصص ملوك الحب ملوك الحب جودا وجلال حب جودا وجلال الدين راجات وبارى قصة حب بلا قيود راجات وبارديهي جودا اكبر فيس بوك jodha akbar kingdom of maya صفحة ملكة جانسى jodha akbar اجمل لقطات بين جودا وجلال

مرت الايام ورجع يوسف للمنزل وجلسوا ليأكلو 

.

يوسف : عايز اقولكم حاجة 

خالد : خير 

يوسف : آسر جالي انهاردة ولو شوفتو شكلو هتحسو انو بقا بنى ادم تاني 

.

وحكا لهم ما قاله لآسر وما رد عليه 

.

خالد : دلوقتى عرفت يابنى انتا معترفتش عليه ليه .. سبحان الله ربنا جعل ف اقوالك ليه افادة ويشاء ربنا ويغير حياتو بسببك 

يوسف : الحمد لله يا بابا 

.

مرت الفترة الدراسية وكان يوسف ينفق كل ماله على الروايات والكتب ليزيد علم ومعرفة .. وبالفعل ساعدت في زيادة خياله كثيراً وزادتة معرفه وثقافة 

وفي يوم من الايام كان يوم جمعة 

.

مريم : يوسف قرأت سورة الكهف 

يوسف : تصدقي نسيت هقوم اقرأها حاضر 

مريم : متنساش يابنى دى ثوابها كبير بتنور طريقك لحد الجمعة الجاية 

يوسف : ان شاء الله مش هنساها تاني 

مريم : خلص وقولى عشان نبدأ تحفيظ القرآن 

يارا بصوت مرتفع : استنونى انا كمان عشان احفظ معاكو 

يوسف : لا مش هنستناكى 

يارا : بس ياض استنانى وانتا ساكت والا مش هتاخد الثواب 

يوسف : بتهددينى بالثواب طيب مفيش شيكولاتة لما ارجع انهاردة 

يارا : لا والنبي انتا حبيبي مش ههددك تانى 

يوسف : الأدب حلو برضو 

..

وبعد مرور عدة اشهر تقابل كل من محمد ويوسف فوجد يوسف محمد يمسك بكتاب 

..

يوسف : اخيراً شوفتك بتقرأ انا بتحايل عليك بقالى اد ايه 

محمد : بصراحة لاحظت عليك ان ثقافتك زادت فحسيت ان القراءة دى كنز 

يوسف : القراءة يا محمد غذاء للروح وللعقل القراءة بتخليك تتعامل مع المواقف الصعبة بهدوء وبحكمة زى بالظبط كده يوم ما مرضيتش اعترف على آسر اينعم كان فيها فضل من ربنا كبير بس لولا قرارى مكانش تاب فعلاً وقرارى ده جيه من هدوء .. حد تانى ممكن يشوفوا هبل ولو مكانى كان اتعصب وبأعلى صوتو انا هسجنو ومش هسامحه .. طب وبعد السجن مهو هيرجع تانى للى بيعملو .. صدمه التسامح خليتو ف صراع مع نفسو وخليتو يكره الجانب الوحش منو .. فسبحان الله لولا انى قرأت ف علم النفس والقرآن طبعاً والعفو عند المقدرة .. عرفت ليه ربنا بيأمرنا اننا نسامح ع اد ما نقدر .. عشان التسامح ده صفة ف المؤمن واحنا مؤمنين .. 

محمد : يعنى هو عمل كده عشان انتا صدمتو صدمة بالتسامح 

يوسف : مش كده وبس هو لو مكانش جواه شخص كويس كان قرارى هيبقي غلط وبصراحة انا كنت سايبها على ربنا برغم انى حسيت انو شخص كويس من جواه بس الاحساس مش كافي .. 

محمد : بس ايه المبرر انو حاول يقتلك يعنى مش فاهم كان ممكن يخدرك .. 

يوسف : دى الحاجة الوحيدة الى مش فاهمها بصراحة .. 

محمد : ربنا ينورلنا طريقنا يا صاحبي ويبعد عننا الوحش يارب 

يوسف : اللهم امين يارب .. احنا كنا بنتكلم ف ايه 

محمد : القراءة وانها بتخليك هادى ف قراراتك 

يوسف : اه اكملك بقا فوائدها ، مش بس بتخليك هادى ف قراراتك بتديك لباقة في الكلام .. بمجرد ما تقرأ وتفهم عقلك وتفكيرك وذكائك بيظهر بشكل أكبر وبتنضج أكتر .. القراءة بثبت ان العمر مجرد رقم لانها بتكبرك بس سنك زي ما هو .. 

محمد : انا لاحظت كده فعلا على الناس الى بتقرأ وحبيت اكون زيهم 

يوسف : ان شاء الله تكون احسن منهم 

.

استأذن محمد يوسف

.

يوسف : رايح فين 

محمد : رايح ازور واحد صاحبي محجوز ف مستشفي للامراض النفسية 

يوسف : طب انا هاجى معاك زيارة المريض برضو من آداب الاسلام 

محمد : يلا بينا 

.

وصل يوسف ومحمد للمستشفي وقامو بزيارة المريض وجلسوا معه يحاولون اخراجة من جو المستشفي وبعد ما انتهوا كانوا ع وشك الخروج فنظر يوسف على غرف احد المرضي فوجد آسر !!! 

.

يوسف : استنى يا محمد ثوانى 

محمد : ف ايه يابنى 

يوسف : آسر 

محمد : مالو 

يوسف : قاعد جوا بيتعالج ! 

.

دخل يوسف على آسر وكان محمد سيدخل معه 

.

يوسف : خليك يا محمد متخافش عليا 

.

تفاجأ آسر بوجودة وحاول أن يقوم فلم يقدر

.

يوسف : خليك اعد يا آسر .. انتا بتعمل ايه هنا 

آسر : انا بتعالج هنا 

يوسف : من ايه 

آسر : من المخدرات 

يوسف : ايه !

آسر : ايوة الادمان الى ودا حياتي ف ستين داهية هو الى دخلنى ع السكة دى بدون وعي 

يوسف : ادمان ؟!! انتا كنت مدمنفترة

آسر : ايوة .. انا يوم ما قررت اتوب فلازم ابدأ بده هو ده لو خلص انا هخلص من كل حاجة تانى .. منهم لله اصحاب السوء .. انا مكنتش كده يا يوسف والله انا كنت شخص طيب جداً بشتغل بما يرضي الله بس الدنيا لما بتلطش مع الواحد بيبقي عايز ينسي .. اتلميت على الناس الى بتشرب وبتشم وبتضرب حقن وكل البلاوى الى ممكن تسمع عنها .. وقالولى خد ده وهتنسي خد ده وهتنسي .. وادى حالي من ساعتها .. المخدرات كلت دماغي لحد ما خلتنى حيوان مش بنى ادم والدليل انتا شوفتوا بعينك .. بقيت بشوف البنات مجرد جسد عايز اقضي شهواتى بأى تمن .. بقيت مدمن ..

يوسف : يعنى انتا لما حاولت تقتلنى مكنتش ف وعيك ! 

آسر : ايوة .. وكل ما بعمل حاجة زى كده بغيب عن الوعي قبلها وصلت بيا الدرجة للحقن .. الدكاترة قالو ان حالتى صعبة بسبب الى كنت بعملو وكنت بشربه .. شكلى هموت هنا يا يوسف .. 

يوسف : متقولش كده يا آسر انتا شخص طيب والدليل انك بتحاول تتوب وترجع كما كنت تاني ..

آسر : انا مش عارف اتحرك من ع السرير يا يوسف 

يوسف : بس انتا جيتلى يوم المدرسة كنت كويس 

آسر : الهباب الى بيتشرب ده مش بيأثر ف ساعتها ده بيعد فترة ف الجسم لحد ما يدمره تماماً وادى حالتى اهى .. الكل بعد عنى .. اصحاب السوء ساعدونى ف السكة دى ودلوقتى كأن محدش يعرفني 

يوسف : ادى صحبة السوء والى يمشي وراهم .. واهلك فين 

آسر : انا معنديش اهل انا امى وابويا منفصلين بقالهم فترة

يوسف : ولا عندك اخوات 

آسر : انا كنت الوحيد 

.

تأثر يوسف بكلام آسر وقرر ان يكون الوحيد الذي بجانبة 

.

يوسف : متقلقش يا آسر انا هكون جمبك واساعدك 

آسر : هتساعد واحد حاول يقتلك وحاول يتحرش بأختك 

يوسف : احنا هنعيدو تانى يا آسر .. انسي بقا الى حصل تماماً واوعدنى انك هتكون حد تاني .. 

آسر بابتسامة : أوعدك 

يوسف : ربنا يتم شفاك ع خير يارب .. انا هستأذن انا 

.

خرج يوسف للدكتور وسأله عن حاله آسر .

.

الدكتور : للاسف حالتو بتسوء كل يوم عن التانى برغم انو كان جاى هنا يبان انو ف صحة كويسة لكن نسبة المخدرات الى دخلت جسمو كتيرة جداً وأثرت عليه بشكل مزمن مش ف ساعتها بقت بتاكل ف خلايا الدم وللاسف علاجه صعب وافتكر ان حياته اوشكت على الانتهاء وحاولنا ف كذا مستشفة للسرطان لكن كلهم قالولنا كلمة واحدة .. انتوا هتجبوه يموت عندنا ! 

يوسف وعلامات حزن على وجهه : حسبي الله ونعم الوكيل .. شكراً يا دكتور 

محمد : يعنى هو مدمن .. والادمان جابلو سرطان 

يوسف : ايوة 

محمد : لا حول ولا قوة الا بالله عشان كده حاول يقتلك لانو مكانش ف وعيو ساعتها 

يوسف : بالظبط كده 

محمد : تعرف الحكاية دى فكرتنى بحكاية أحد الصالحين زمان دعوته واحدة جميلة جداً لمشكلة .. فلما جالها قالتله انا معنديش مشكلة .. انتا عندك هنا امرأة جميلة تنكحها وولد تقتله يأما خمرة تشربها .. ولو معملتش حاجة منهم هفضحك وانتا بقا مكانتك عالية شوف الفضيحة دى هتعمل ايه .. فقال ف نفسو الخمرة اقل حاجة .. راح شرب الخمرة وسكر فقتل الولد ونكح المرأه ..! 

يوسف : يا الله .. كل ده من خمره .. وده ملخص حياة آسر ... لا حول ولا قوة الا بالله 

محمد : طب انتا هتعمل ايه 

يوسف : مش هسيبو هفضل معاه ف اخر ايامه لعل ربنا يشفيه وهحاول اشوفلة مستشفي تانية 

محمد : والله انا مستغرب فعلا منك واحد يقتلك متعترفش عليه وكمان بتساعده 

يوسف : هنقول تانى يا محمد 

محمد بابتسامة : ربنا يجازيك خير يا يوسف

.

كان بالفعل يوسف يزور آسر باستمرار ويبحث عن مستشفي تقبل به وبعلاجة حتى وجد المستشفي فذهب مسرعاً للمستشفي التى فيها آسر لم يراه ف الغرفة .. سأل الطبيب 

.

يوسف : هو آسر فين يا دكتور 

الدكتور : البقية ف حياتك 

يوسف : ايه ! 

الدكتور : هو سابلك الورقة دى 

.

فتح يوسف الورقة وكان مكتوب فيها : يوسف بتمنى تسامحنى ع كل حاجة عملتها وادعيلي يا يوسف ان ربنا يغفرلى .. وخلى يارا تسامحنى عشان جرح القلب صعب اوى وانا جرحتها .. انا بشكرك على وجودك ف حياتي .. انت انقذتنى بشكل كبير اوى اووى ولكن الحاجات الى عملتها ف نفسي كانت كتير اوى وللاسف مخلتنيش اعيش حياتي وارجع كما كنت .. 

آسر 

.

حزن يوسف على كلام آسر واخذ الورقة معه

وبعد ايام رجع لبيته وحكى ما حدث ليارا 

.

يارا : معقولة مدمن ! 

يوسف : انا اتصدمت زيك كده 

يارا : عشان كده عمل الى عمله يوم الحادثة 

يوسف : بالظبط كده 

يارا : ربنا يرحمه

يوسف : سامحيه يا يارا .. هو غلط بس رجع عن الى عملو وربنا توفاه بقا 

يارا : الجرح صعب يتسامح يا يوسف خصوصاً انى شوفتو بعينى وهو هيقتل اغلي حد ف حياتي .. من اقسي اللحظات الى تمر على اى شخص هى الى بتنهار توقعاتك من شخص قريب ليك .. يمكن محستش انتا لحظات جرح قبل كده .. لحظات الجرح بتكسر .. بتجعل الشخص شخصية معقدة واحياناً بتجعلنا معترضين على اقدار ربنا .. أكيد هلاقي فرصة عشان اعوض الى فاتنى وابدأ من جديد .. 

.

"ليس ما يفعله الآخرون تجاهنا هو الذي يؤلمنا ، في معظم الحالات تكون ردود افعالنا تجاه ما يفعله الآخرون هى الى تؤلمنا" 

.

وأكملت : لازم اعيش اللحظة دى عشان متكونش لحظة هزيمة .. ولكن تكون لحظة بداية وانتصار من جديد ! 

احياناٌ بيدور ف فكرنا ليه يارب بتجرحنى .. ايه حكمتك ان تمر بيا لحظة جرح ! ليه ببات ودموعي بتسيل ع خدى وانا مصدوم من إنسان اديتو قلبي .. لو فهمنا الحكمة يا يوسف هنخرج من جرحنا ونبدأ من جديد .. والحكمة ياسيدى ان ربنا بيعلي من نضجنا الاجتماعى .. وانا اتعلمت ان مش اى حد اثق فيه بسرعة .. لازم مننساش اننا بشر والبشر ناقصين احنا مش ملايكة .. النقصان ده بيخلينا نقع ف الغلط 

انتا حفظتنى آيه علمتنى اتعامل مع لحظة الجرح ربنا بيقول " ومن الناس من يعبد الله على حرف فإن اصابه خير اطمأن به وإن أصابته فتنة انقلب على وجهة خسر الدنيا والآخرة" واعوذ بالله من انى انقلب ع وجهي يا يوسف .. 

النجاح يا يوسف هو اننا نمر بفشل ورا فشل بس من غير ما نفقد حماستنا ❤ 

لحظة الجرح بتختبر مبادئنا لازم نثبت 

ولازم ناخد وقتنا عشان الجرح يلم زى انتا ما اخدت وقتك عشان جرحك يلم ❤ وف الوقت ده لازم نلجأ لربنا الحنون لانو هو عالم بجرحنا ❤

يوسف : ده احنا نيجي كلنا ناخد عندك درس 

يارا : انتا فاكر انك لوحدك ياض الى بتفهم ولا ايه 

يوسف : حاش لله يا سيادة الدكتورة يارا خالد 

ضحكت يارا : متبالغش كلنا بنتعرض للحزن بس مش كلنا بنخرج منو بسرعة 

يوسف : انا مش عارف اقولك ايه ربنا ينورلك طريقك يا حبيبتي 

يارا : هاتلى شيكولاتة 

يوسف : ???? 

يارا : متبصليش كده هاتلى شيكولاتة ياض 

يوسف : حاضر يارب فلوسي كلها بصرفها عليها 

يارا : هفلسك ومش هتقدر تفتح بوقك 

يوسف : طبعاً اختى وطلباتها اوامر 

..

مرت سنين ويوسف لم يجد بعد الفتاة التى حلم بها وابتدى اليأس يسيطر عليه .. وصل يوسف للسنة الرابعة وانتهى من الامتحانات .. وكان من المفترض ان يتجمعوا هو وأصدقائة لان في سنة التخرج يلزم عليهم عمل مشروع تخرج .. وبحثوا كثيراً ولم يجدوا .. وسيطر الخوف على الاجواء .. فلاحظ محمد القلق 

.

محمد : ايه يا شباب وحدوا الله كده وصلوا على النبي بلاش خوف .. ان شاء الله هنلاقي مشروع كويس ... ربنا بيقول " الذين آمنوا وتطمئن قلوبهم بذكر الله الا بذكر الله تطمئن القلوب " 

ربنا ادانا الحل للتوتر والقلق .. كلنا عندنا رغبات وبنحلم بتحقيقها .. مينفعش القلق يسيطر علينا .. احنا عدينا اربع سنين بحلوهم وبمرهم .. مع بعض لاننا متماسكين . مش هنضعف دلوقتى .. احنا مؤمنين بالله لازم نخجل من قلقنا على اى حاجة .. ربنا موجود ومعانا 

.

أعطي كلام محمد حماس بين المجموعة واندهش يوسف من كلام محمد ...

.

يوسف بصوت منخفض : انتا لو تبص على نفسك وانتا بتقول الكلمتين دول هتعرف القراءة عملت فيك ايه يا واد يا جامد .. انا اتحمست بكلامك والله ربنا يزيدك علم ❤

محمد : بتعلم منك 

يوسف : كلنا بنتعلم من بعض ❤ 

.

وبالفعل بعد عناء وجدوا مشروع جيد يعملون به وكانت خاماته متوفرة بداخل مصر وبالفعل بدأت السنة وكان الكل يذاكر لتحقيق حلمهم ويعملون مع بعضهم بالمشروع حتى انتهى المشروع ونال اعجاب المدرسة وجاءت لجان من خارجها مخصوصاً ليروا مشروع هذة الدفعة واعجبهم كثيراً  ❤ مرت الامتحانات على خير وكانت السنة الاخيرة .. سنة الحلم وهو دخول كلية الهندسة .. وبالفعل جاء الخبر المفرح ان دفعتهم جميعها دخلوا كلية الهندسة بسبب تفوقهم وتماسكهم .. 

قابل يوسف النتيجة بفرح كبير هو واصدقائة واقامو حفلة صغيرة في بيت محمد .. وكانوا لا يصدقون انهم حققوا حلمهم .. ولكن سيطر عليهم الحزن لانهم سيتفرقوا ولكن سيتفرقوا وقلوبهم متماسكة مع بعضها ولن ينسي احدهم الآخر .. 

دخل يوسف قسم هندسة الطيران الذي كان يحلم به .. ودخل محمد .. قسم عمارة .. حتى يكون معه الميكانيكا والعمارة ❤ 

وفي السنة الاولى لكل منهما انتهوا من الفصل الدراسى الثانى .. وكانو في عطلة العام .. كلم محمد يوسف على هاتفه 

.

محمد : عامل ايه يا چو 

يوسف : الحمد لله خلصنا ع خير عايز اشوفك 

محمد : وانا والله بس زهقت من خروجات القاهرة متيجى نروح ف اى حتة تانية

يوسف : اقترح اماكن موثوق منها 

محمد : ايه رأيك نروح شرم 

يوسف : لا لا نروح مكان كده نقضى يوم حلو ونرجع 

محمد : ايه رأيك نروح المنصورة .. انا سمعت ان جوها جميل اليومين دول وفيها بحر وبتاع واماكن كويسة 

يوسف : واثق منها ؟ 

محمد : على ضمانتى 

يوسف : ماشي ياسيدى نروح نقضى يوم هناك ونرجع 

محمد : ماشي انا هحضر حاجتى ونتقابل بكرا 

يوسف : تمام وانا هجهز ❤ 

.. 

يوسف : ماماااااااااااا 

مريم : انتا بتنادى ع تايهة منا معاك ف البيت يا ولا 

ضحك يوسف : احنا خارجين بكرا انا ومحمد 

مريم : على فين 

يوسف : المنصورة نغير جو وكده 

مريم : ماشي قول لبابا عشان يبقي عارف 

يوسف : باباااااااااااا 

خالد : يابنى بطل بقا .. هنطرش بسببك 

يوسف : بعد الشر يا حج انا الى اطرش وانتا لا ... بقولك ايه انا خارج بكرا انا ومحمد شخلل جيوبك بقا عشان تعدى 

خالد : اشخلل ! هو مين فينا ابو التاني ؟ 

يوسف : انا مؤقتاً 

ضحك خالد : ماشي يا فضيحة ووطى صوتك عشان لو اختك سمعتك هتشبط فيك 

ضحك يوشف : متخافش مش هقولها 

.

جاءت يارا من وراء يوسف 

.

خالد : احم احم 

يوسف : ف ايه يا حج مقولت مش هقولها 

يارا ممسكة بملابسة : مش هتقول لمين ياض 

يوسف : ها مين انا لا ده مش انا مين انتى 

يارا : اه اعمل عبيط بقا 

ضحك خالد : استأذن انا بقا 

يوسف : استأذن انا ! بتتخلي عنى يا حج 

يارا : انطق ياض رايح فين 

يوسف : نزلى ايدك عشان البلستيج بس .. رايح المنصورة ف حاجة 

يارا : خدنى معاك 

يوسف : انا رايح رحلة وبعدين انا خارج انا ومحمد 

يارا : انا عايزة اخرج مليش دعوة 

يوسف : هخرجك ف يوم بس سبينى احضر حاجتى 

يارا : ماشي بس انتا مجبتليش شيكولاتة انهاردة 

يوسف : يادى ام الشيكولاتة هو ادمان .. انتى مدمنة مبتشبعيش 

يارا : لا 

يوسف : حاضر هجيبلك لما انزل 

يارا وهى ذاهبة : اما نشوف 

..

وفي صباح اليوم التالي تقابل محمد ويوسف 

..

محمد : جاهز للمغامرة في المكان الى اول مره نشوفو ده 

يوسف : جاهز اصديقي 

..

وبالفهل وصلو المنصورة وبعد وصولهم 

.

محمد : وصلنا الخرطوم 

ضحك يوسف : هنعمل ايه بقا 

محمد : فطار الشعب بقا 

يوسف : همك ع بطنك دايماً 

..

ذهبوا لمحل فول وطعمية ليأكلو .. وتحدثوا عن يومهم 

..

محمد : تحب نعمل ايه بقا 

يوسف : احنا نسأل ع مول هنا كده قريب ويكون حلو نروح نتمشي فيه ونخش سينما .. وبعدين نروح بقا البحر الى قولت عليه ده لو فيه كافية عليه ولا حاجة نتكلم فيه ونتغدى 

محمد : حلو البروجرام ده 

..

بدأو يومهم وبالفعل ذهبوا للمول ودخلو السينما وذهبوا لكافية على البحر وجلسوا وطلبوا الاكل وبعدما اكلوا جلسوا يتحدثوا .

..

محمد : المكان هنا جميل اوى

يوسف : يابنى مفيش حاجة بختارها بتطلع وحشة 

محمد : انا الى مختار المنصورة ها يعنى بفضلى 

يوسف : ماشي ياعم خلاص هتذلنى 

محمد : اخبار الحلم ايه 

يوسف : والله لحد دلوقتى ملقتهاش يا محمد مش عارف اعمل ايه .. بقالي اكتر من 7 سنين اهو وصابر تقريباً خلاص فقدت الأمل .. 

محمد : طالما بتحلم كتير بيها يبقي هتلاقيها .. نسيت كلامك " ربنا أكبر من انو يعلق حد بحاجة وميحققهاش" 

يوسف : ونعم بالله 

.. 

وفي وسط كلامهم سمع بوسف صوت بكاء خلفه .. فنظر الى الصوت وتفاجأ !! 

محمد : في ايه يابنى بتبص ع ايه 

.

لم يرد يوسف 

.

محمد : انتا يابنى 

.

نظر محمد الى ما ينظر له يوسف فوجدها فتاة عشرينية العمر بشرتها بيضاء وجدها تبكي وهى تتحدث ف الهاتف 

.

الفتاة : انا جاية حالاً 

وأغلقت الهاتف وفي وسط دربكتها وقعت حقيبتها بجانب يوسف .. فقام يوسف ليساعدها في حمل أشيائها .. فتلاقت عيناهم .. 

..

الفتاة : انا متشكرة جداً 

واخذت حقيبتها وذهبت .. ويوسف في مكانه ينظر لها وهى ترحل .. 

.

محمد : انتا تعرفها يا يوسف ! 

التفت يوسف لمحمد وهو في حالة ذهول

محمد : مالك يابنى بتبصلي ومبرق كده ليه 

يوسف : دى البنت الى شوفتها ف الحلم !!!

يتبع ❤

#في_قلبي_انثي_بعيدة ❤ 

رأيكم ف الحلقة ؟ ????